Җәмгыять 17 сентябрь 2017 06:00

Балтачта иң оста машина йөртүче өлкән кешене ачыкладылар

Конкурс иртәнге сәгатьләрдә ДОСААФ бинасында компьютерда юл йөрү кагыйдәләре буенча теоретик белемнәрне тикшерүдән башланды.

Скопировать ссылку

(Балтач, 17 сентябрь, "Татар-информ", "Хезмәт", Ясминә Шәмсетдинова). Балтачта район тарихында беренче мәртәбә "Иң оста авто-бабай" һәм "Иң оста авто-әби" ачыкланды, дип яза район газетасы.

Районның ветераннар Советы һәм районның ЮХИДИ идарәсе белән берлектә ветеран ир-ат һәм хатын-кыз машина йөртүчеләр арасында конкурс үтте. Конкурс иртәнге сәгатьләрдә ДОСААФ бинасында компьютерда юл йөрү кагыйдәләре буенча теоретик белемнәрне тикшерүдән башланды. Икенче этап Балтач сөт-май комбинаты янәшәсендәге махсус мәйданчыкта практик күнекмәләр эшләп күрсәтү оештырылды. Конкурсантлар 3 биремне дөрес итеп үтәргә тиешләр иде.

Җиңүчеләр:

1 урында - Бөрбаштан Рафаэль Шакиров
2 урында - Аланнан Рәйзәлә Фәләхиева
3 урында - Балтачтан Мәгъсүм Нәбиев
4 урында - Иске Салавычтан Рамазан Фәрзиев.

#Балтач #Хезмәт

Сәхифәләр

Балтачта иң оста машина йөртүче өлкән кешене ачыкладылар