Җәмгыять 4 гыйнвар 2018 04:00

Балтачта "Эт елына эт белән" дигән үзенчәлекле фотолар бәйгесе үтте

Бу бәйге катнашучыларның күплеге, фотоларның матурлыгы, төрлелеге белән аерылып торды.

Скопировать ссылку

(Балтач, 4 гыйнвар, "Татар-информ", "Хезмәт"). Балтачта "Эт елына эт белән" дигән үзенчәлекле фотолар бәйгесе үтте, дип яза җирле басма.

Бу бәйге катнашучыларның күплеге, фотоларның матурлыгы, төрлелеге белән аерылып торды

"Яңа елга санаулы гына көн калганда район газетасы сайтында игълан ителгән бу бәйгегә катнашучылар шул дәрәҗәдә күп булыр дип уйламаган идек. Берсеннән-берсе матур, тирән эчтәлекле, үзенчәлекле фотолар күп килде. Кечкенә балалар да, өлкәннәр дә катнашу, балтачлыларның дүрт аяклы дусларыбызга битараф булмавы ничектер күңелгә рәхәтлек бирде. Җиңүчене ачыклавы җиңел булмады. "Иң-иң" дигәннәре генә дә дистәгә якын иде шул. Конкурс темасына иң туры килгән Ильяс Хәбибуллин җиңүче булды. Аңа махсус атап пешерелгән торт тапшырдык", - ди баш мөхәррир Вакыйф Зәкиев.

#Балтач #Хезмәт

Сәхифәләр

Балтачта "Эт елына эт белән" дигән үзенчәлекле фотолар бәйгесе үтте