Җәмгыять 15 июнь 2018 03:00

Балтачта Бөек Ватан сугышы ветераннарына "Фидакарь хезмәт өчен" медале тапшырылды

Бу көнне ике сугыш ветераны район башлыгы Рамил Нотфуллин кулыннан дәрәҗәле бүләк алды.

Скопировать ссылку

(Балтач, 15 июнь, “Татар-информ”, “Хезмәт”, Ясминә Шәмсетдинова). Балтачта Бөек Ватан сугышы ветераннарына "Фидакарь хезмәт өчен" медале тапшырылды. Бу көнне ике сугыш ветераны район башлыгы Рамил Нотфуллин кулыннан дәрәҗәле бүләк алды, дипяза җирле басма.

Кече Лызи авылында гомер итүче Анатолий Кузьмич Медведев һәм Иске Салавыч авылыннан Мөхлис Хәбибулла улы Хәбибуллин әлеге медаль ияләре булдылар. Әлеге тантанада район хәрби комиссары Васил Вәлиев, район социаль яклау бүлеге җитәкчесе Алсу Гатиятуллина, җирлек башлыклары, соңгы эш урыныннан җитәкчеләр, җирлекнең ветераннар Советы рәисе, районның "Яшь армиячеләр" һәм "Форпост" җәмәгать тәртибен саклау үзәге яшьләре дә катнашты.

Ветераннар әлеге медальне зур горурлык хисләре белән кабул итеп алды. Күкрәгенә медальне беркеткәннән соң ветеран Анатолий Кузьмич: "Служу Отечеству!" – дип сокландырды.

#Балтач #Хезмәт

Сәхифәләр

Балтачта Бөек Ватан сугышы ветераннарына "Фидакарь хезмәт өчен" медале тапшырылды