Җәмгыять 26 апрель 2018 22:00

Балтачта Бөек Ватан сугышы ветераннарын хөрмәтләделәр

Бөек Җүнең 73 еллыгы уңаеннан, районыбызның сугыш ветераннарына Балтач районы башлыгы Рамил Нотфуллинның Котлау хатларын һәм бүләкләрен тапшырдылар.

Скопировать ссылку

(Балтач, 26 апрель, Татар-информ, “Хезмәт”, Гөлзидә Газизуллина). Бөек Җиңүнең 73 еллыгы уңаеннан, Балтач районыбызның сугыш ветераннарына Татарстан Президенты Рөстәм Миңнехановның һәм Балтач районы башлыгы Рамил Нотфуллинның Котлау хатларын һәм бүләкләрен тапшырдылар, дип яза җирле басма.

Бүгенге көндә районда 14 Бөек Ватан сугышы ветераны яши. Аларның сафы елдан-ел кими.

Балтач районы башлыгы Рамил Нотфуллин шәхсән үзе ветераннар янында булып, хәл-әхвәлләрен белешеп, Бөек Җиңүгә керткән зур өлешләре, фидакарь хезмәтләре өчен олы рәхмәтләрен һәм котлауларын ирештерде. Шулай ук ветераннарны бәйрәм белән котларга район хәрби комиссариаты хезмәткәре Рафаэль Шакиров, ветераннар советы рәисе Рифат Абдуллин да килгән иде. Алар ветераннарны 9 Май көнне район үзәгендә узачак зур тантаналы чарага чакырдылар.

#Балтач #Хезмәт

Сәхифәләр

Балтачта Бөек Ватан сугышы ветераннарын хөрмәтләделәр