Җәмгыять 17 сентябрь 2018 01:00

Балтачта "Автобабай-2018"нең җиңүчесен ачыкладылар

Конкурсның максаты- тәҗрибәле машина йөртүчеләрне юл хәрәкәте куркынычсызлыгын пропагандалауга тарту.

Скопировать ссылку

(Казан, 17 сентябрь, "Татар-информ", "Хезмәт", Гөлзидә Газизуллина). Район юл хәрәкәте иминлеге дәүләт инспекциясендә 60 һәм аннан өлкәнрәк яшьтәге машина йөртүчеләр арасында “Автобабабй-2018” конкурсы үткәрелде, дип яза Балтач газетасы.

Конкурсның максаты тәҗрибәле машина йөртүчеләрне юл хәрәкәте куркынычсызлыгын пропагандалауга тарту.

Бәйгедә катнашучылар иң элек юл йөрү кагыйдәләрен белү дәрәҗәсен күрсәттеләр, ә аннан соң автодромда машина йөртү буенча көч сынаштылар. Конкурс нәтиҗәләре буенча беренче урынны Рәис Зыятдинов яулады. Ул район данын яклап, Өлкәннәр көненә багышланган конкурсның 2 октябрьдә Казанда узачак республика этабында катнашачак.

Район конкурсында җиңүчеләрнең барысына да истәлек бүләкләре тапшырылды. Икенче урынга – Илфак Хисамов, өченче урынга конкурста катнашучы бердәнбер гүзәл зат - Гөлзада Хөснетдинова лаек булды. Рамазан Фәрзиев – дүртенче, Билсур Гарипов бишенче булдылар.

#балтач #автобабай

Сәхифәләр

Балтачта "Автобабай-2018"нең җиңүчесен ачыкладылар