Балтачның Кече Лызи укучылары тәнәфестә урамда физкультура белән шөгыльләнә
Укучылар гына түгел, укытучылар да аннан читтә калмый, ди мәктәп директоры Марат Исмәгыйлев
Скопировать ссылку
(Казан, 7 сентябрь, “Татар-информ”). Узган уку елында Балтач районының Кече Лызи мәктәбендә тәнәфес вакытында мәктәп тирәли әйләнеп керүне гадәткә керткән булалар. Бу уку елында да әлеге чара дәвам итәчәк икән. Икенче тәнәфестән соң башлангыч һәм урта сыйныфлар, өченче тәнәфестә югары сыйныф укучылары мәктәп территориясенә чыгып, һава алыштырып әйләнеп керә, дип хәбәри итә baltaci.ru.
“Укучылар гына түгел, укытучылар да аннан читтә калмый. Саф һава сулаудан тыш, тәннәрне язар өчен менә дигән физкультура да”, – ди бу уңайдан мәктәп директоры Марат Исмәгыйлев.
