Балтач районының ашлык амбарында янгын чыккан
Фаҗига Кариле авылының Тукай урамында була.
Скопировать ссылку
(Казан, 22 сентябрь, "Татар-информ"). Балтач районының ашлык амбарында янгын чыккан. Бу хакта "Татар-информ"га Россия Гадәттән тыш хәлләр министрлыгының Татарстан Баш Идарәсе матбугат хезмәте җиткерде.
Кичә кич белән 112 бердәм ашыгыч ярдәм чакыру номерына бер ир Кариле авылының Тукай урамындагы ашлык амбарында чимал яну турында хәбәр итә.
Ут чыккан урында 110нчы бүлек янгын сүндерүчеләре, полиция, электр челтәрләре хезмәте һәм "Тимирязев исемендәге" хуҗалык вәкилләре эшли.
Янгын ашлык киптергәндә, технологик процесс бозылу сәбәпле чыккан була.