Җәмгыять 2 май 2018 08:00

Балтач районы Салавыч лицее “Куркынычсыз тәгәрмәч" бәйгесеннән уңышлар белән кайтты

Барлык конкурслар буенча нәтиҗә чыгарганнан соң, Салавыч күппрофильле лицее командасы республика буенча 7нче призлы урынны яулады.

Скопировать ссылку

(Балтач, 2 май, "Татар-информ", "Хезмәт", Зәлия Фәйзрахманова). 24-27 апрель көннәрендә Чаллы шәһәрендә республикакүләм “Куркынычсыз тәгәрмәч” конкурсы үтте, дип яза җирле басма.

Анда Балтач районыннан җиңү яулаган Салавыч күппрофильле лицее командасы (Апанов Айзат, Закиров Сәлим, Дәминова Нәргизә һәм Хәбибуллина Динә, җитәкчеләре – Ранил Гыйләҗев) катнашты. Конкурста һәр районнан 9-11 яшьлек малайлар һәм кызлар көч сынашты. Алар юл йөрү кагыйдәләрен белү, беренче медицина ярдәме күрсәтү, велосипедта фигуралы йөрү, автогородокта юл кагыйдәләрен үтәп велосипедта йөрү, велосипед төзелешен белү һәм схема буенча өйдән мәктәпкә иң куркынычсыз юлны сызу конкурсларында үзләренең белемнәрен күрсәттеләр.

Барлык конкурслар буенча нәтиҗә чыгарганнан соң, Салавыч күппрофильле лицее командасы республика буенча 7нче призлы урынны яулады. Шәхси беренчелектә кызлар арасында Хәбибуллина Динә җиденче урынга лаек булды. Этаплар буенча карасак, велосипедта фигуралы йөрүдә малайлар арасында Апанов Айзат икенче урын, Дәминова Нәргизә дүртенче урын, юл йөрү кагыйдәләрен белү буенча малайлар арасында Апанов Айзат 7 урын, Хәбибуллина Динә 8 урын, автогородокта юл кагыйдәләрен үтәп велосипедта йөрү буенча Хәбибуллина Динә 5 урынга лаек булдылар.

#Балтач #Хезмәт

Сәхифәләр

Балтач районы Салавыч лицее “Куркынычсыз тәгәрмәч" бәйгесеннән уңышлар белән кайтты