news_header_top_970_100
news_header_bot_970_100

Балтач пешекчеләре көч сынашты

Шушы көннәрдә Балтач бистәсенең "Каенлык" кафесында Нормадагы һөнәр лицеенда белем алучы пешекче кызлар-егетләр үз осталыкларын күрсәтте.

(Балтач, 26 ноябрь, “Татар-информ”, “Хезмәт”, Гөлзидә Газизуллина). Шушы көннәрдә Балтач бистәсенең "Каенлык" кафесында Нормадагы һөнәр лицеенда белем алучы пешекче кызлар-егетләр үз осталыкларын күрсәтте, дип яза район газетасы.

"Хыял" яшьләр үзәге хезмәткәрләре пешекчеләр арасында бәйге оештырды. Бәйгегә Нормадагы һөнәр лицеенда белем алучы пешекче егет-кызлар чакырылды.

Конкурсантлар иң элек алдан әзерләп алып килгән җиләк-җимешләрләрдән композиция тәкъдим итте, соңрак тәкъдим ителгән азык-төлектән өч төрле ризык әзерләделәр.

Киеренке ярышта беркемнең дә сер бирәсе килмәде. Егет-кызлар үзләренең белемнәрен гамәлдә кулланганда җанатарлар арасында да ярышлар үткәрелде. Бик күңелле, кызу темпларда үтте чара. Өченче ел рәттән үтүче әлеге чара истә калырлык мизгелләргә бай булды.

news_right_column_1_240_400
news_right_column_2_240_400
news_bot_970_100