Фән һәм мәгариф 18 сентябрь 2014 19:06

Балтач мәгариф идарәсе ”Тормыш дәресләре” конкурсы игълан итте

Тәрбия сәгатьләре сценарийлары конкурсына ноябрьдә йомгак ясалачак

Скопировать ссылку

(Казан, 18 сентябрь, “Татар-информ”). Укучыларга һөнәри юнәлеш бирү максатыннан, Балтач районы мәгариф идарәсе ”Тормыш дәресләре” дип исемләнгән конкурс игълан итте.

Мәктәп укытучылары һәм тәрбиячеләре арасында ”Тормыш дәресләре” дигән, районда иң кирәкле һөнәр ияләре, хезмәт коллективлары, предприятие, оешмалар турында тәрбия сәгатьләре сценарийлары конкурсы башланып китте.

Укыту-методик эшкәртмәләр конкурсына йомгак ноябрь ахырында ясалачак. Райондагы хезмәт коллективлары турындагы эчтәлекле видеосюжетларны, төрле һөнәр ияләре белән кызыклы интервьюларны үз эченә алган тәрбия сәгатьләре эшкәртмәләрен укыту-тәрбия процессында куллану өчен методик җыентык итеп туплау планлаштырыла, дип яза “Хезмәт”басмасы.

Сәхифәләр

Балтач мәгариф идарәсе ”Тормыш дәресләре” конкурсы игълан итте