Балтач командасы каратэ буенча шәһәр беренчелегендә призлы урыннарны алган
Җиде командадан 150гә якын спортчы көч сынашты.
Скопировать ссылку
(Балтач, 28 апрель, "Татар-информ", "Хезмәт", Гөлзидә Газизуллина). 20-21 апрель көннәрендә Казан шәһәрендә каратэ буенча шәһәр беренчелеге үтте. Балтач командасы составында чыгыш ясаган сигез баланың җидесе призлы урын яулады. Бу турыда җирле басма хәбәр итә.
Җиде командадан 150гә якын спортчы көч сынашты. Ярышлар бик киеренке шартларда үтте.
Балтачтан Наил Нәбиев, Әмир Бариев, Салих Зарипов, Сөләйман Булатов, Айгизә Хәмидуллина беренче, Илдан Сафин икенче, Разил Хәмидуллин өченче урын яулады.