Балтач хастаханәсендә мәктәп автобусы шоферлары ашыгыч ярдәм турында лекция тыңлаган
Очрашуда ашыгыч ярдәм күрсәтү турында сүз барган.
Скопировать ссылку
(Балтач, 13 март, "Татар-информ", "Хезмәт", Зөлфия Шакирова). Балтач хастаханәсенә мәктәп автобусы шоферларын җыйганнар. Очрашуда ашыгыч ярдәм күрсәтү турында сүз барган. Бу турыда җирле басма хәбәр итә.
Район үзәк хастаханәсенең утырышлар залында табиб - травматолог Илдар Азат улы Ишморатов районның мәктәп балаларын йөртүче автобус шоферларына үзәк хастаханәдә беренчел ашыгыч медицина ярдәме күрсәтү темасына лекция укыды. Шиналар, жгутлар һәм башка медицина әсбаплары ярдәмендә практик өлешен да тирәнтен итеп аңлатты.
Лекциядә ишеткәннәр шоферларга балаларны юлда транспортта йөрткәндә һәрвакыт кирәк булуы мөмкин.