Балтач укучылары татар әдәбиятыннан республика олимпиадасының йомгаклау этабында җиңгән
Скопировать ссылку
13-15 февраль көннәрендә татар мәктәбендә укучылар өчен татар әдәбиятыннан республика олимпиадасының йомгаклау этабы узды. Балтач укучылары яхшы нәтиҗәләргә иреште.
Карадуган гимназиясенеӊ 10 сыйныф укучысы Рәйсә Абдуллина олимпиадада җиӊү яулады. Бу хакта «Хезмәт» сайтында хәбәр ителә.
Норма урта гомуми белем мәктәбенеӊ 8 сыйныфы укучысы ФәридәГ ыйрфанова, Нөнәгәр мәктәбенеӊ 11 сыйныф укучысы Гөлия Хәйруллина олимпиадада призлы урыннар алды.
Укучыларны һәм аларның остазлары Гөлшат Шалаева, Эльмира Гарифуллина, Рәзинә Гыйльфанованы ихластан котлыйбыз, диелгән хәбәрдә.