Балтач районында игелек үзәге ачылды
Балтачта «Факел» клубы базасында «Игелек үзәге» (Добро.Центр) ачылды. Әлеге үзәк районның барлык волонтерларын берләштерәчәк. Бу хакта «Хезмәт» сайтында хәбәр ителә.
Үзәккә үз проектлары һәм ярдәм сорап, ярдәмгә мохтаҗлар да, активистлар да мөрәҗәгать итә алачак.
Яңа үзәкне ачу тантанасында Балтач районы башкарма комитеты җитәкчесе Айдар Хәйретдинов, «Татарстан волонтерлар мәгълүмат-ресурс үзәге» коммерцияле булмаган автономияле оешмасының башкарма директоры урынбасары, Территорияләр белән эшләү секторы мөдире Гүзәл Ганиева, ️ «Татарстан Республикасы иреклелек мәгълүмат-ресурс үзәге» оешмасы территорияләр белән эшләү секторының өлкән белгече Тимур Сәитов катнашты.