Балтач районы Чутай авылыннан махсус хәрби операция зонасына 2500 данә коры аш җибәрелгән
Скопировать ссылку
Балтач районы Чутай авылында яшәүчеләр махсус хәрби операция зонасына җибәрү өчен соңгы 2-3 көндә өлешләп 2500 пакет аш тутырган. Бу хакта «Хезмәт» сайтында Гөлзидә Газизуллина хәбәр итә.
«Соңгы 10 көндә авылдашлар белән бик нык эшләп алдык. Тонналап яшелчә, ит, өй токмачы, ипи киптердек. Аларны пешерергә, чистартырга, кыргычтан кырырга, иттарткычтан чыгартып әзерләргә кирәк. Бу эшләрнең башында оештыручы Финзиягә һәм аның гаиләсенә рәхмәт», дип хәбәр итә Чутайдан үз хәбәрчебез Гөлзифа Нәҗипова.
«Махсус хәрби операциядәгеләргә әйбәт кенә барып җитсен. Тәннәренә сихәт, көч бирсен. Бу ашларыбыз җиңү көнен якынайтсын, якыннары янына тизрәк кайтсыннар», дип тели Чутай авылы халкы.