Балтач көрәшчесе БРИКС Уеннарында катнашачак
Скопировать ссылку
21 июньдә Казанның «Ак Барс» көрәш сараенда БРИКС Уеннары кысаларында көрәш буенча ярыш уза. Ун үлчәү авырлыгында 27 илдән килгән спортчы бил алыша. Россия җыелма командасын Татарстан көрәшчеләр дә тәкъдим итәчәк. Алар арасында Балтач районы Яңгул авылы егете Руслан Рәфыйков та бар. Бу хакта «Хезмәт» сайтында Гөлзидә Газизуллина яза.
Ул 100 кг үлчәү авырлыгында бил алышырга җыена.
Көрәш ярышлары 21 июнь көнне 9:00дә башлана. 15:30 сәгатьтә финал ярышлары һәм бүләкләү тантанасы көтелә.