Балтач егетләре кабат махсус хәрби операция зонасына ярдәм илтте
Скопировать ссылку
Балтач районының Дамир Исламов исемендәге волонтерлар төркеме егетләре Ринат һәм Илшат Солтановлар, район башкарма комитеты җитәкчесенең социаль мәсьәләләр буенча урынбасары Илһам Гайнетдинов махсус хәрби операция зонасына чираттагы гуманитар ярдәмне алып барды. Бу хакта «Хезмәт» газетасы яза.
Егетләр Белолутский, Северодонецк, Воеводовка, Луганск якларында булып сугышчыларыбыз белән очраштылар, Балтач районы егетләренә исемле посылкаларны һәм алар соравы буенча алып килгән кирәк-яракларны тапшырды.