Җәмгыять 29 ноябрь 2017 18:13

Балконда тәмәке тартучылардан канәгать булмаган күршеләр компенсация алырга хокуклы

Гамәлдәге закон балконда тәмәке тартучы гражданнардан төтен исе “яратмаган”нар файдасына рухи зыянны түләтүне таләп итү хокукы бирә.

Скопировать ссылку

(Казан, 29 ноябрь, «Татар-информ»). Россия Федерациясе Югары суды россиялеләрне балконда тәмәке тартучы күршеләрдән компенсация алырга хокуклы дип белдерде. Бу хакта Россия хокук һәм суд мәгълүматлары агентлыгы хәбәр итә, дип яза “Известия”.

Суд тарафыннан беренче шундый эш ике ел дәвамында каралды һәм канәгатьләндерелде. Новосибирск өлкәсендә яшәүче суд аша күршесен тәмәке тартудан тыярга омтылган. Нәтиҗәдә судка биргән ир-атка икенче йортка да күчәргә туры килгән, әмма ул суд аша 250 мең сум күләмендә компенсация таләп иткән, дип хәбәр итә «360» телеканалы. Тәртипкә утыртырга теләүче югары судка кадәр барып җиткән. Әмма балконда тарту тыела дигән сүз юк дигән җавап алган. Бары тик тәмәке төтененнән һәм аны куллану тәэсиреннән сәламәтлекне саклау өлкәсендә гражданинның хокукларын бозган өчен компенсация генә каралган.

Судка бирүчегә компенсация 5 мең сум тәшкил иткән

#компенсация #Югары суд

Сәхифәләр

Балконда тәмәке тартучылардан канәгать булмаган күршеләр компенсация алырга хокуклы