Сәхифәләр
«Татар-информ» мәгълүмат агентлыгы баш редакторы
Ринат Билалов
420066, Татарстан Республикасы, Казан, Декабристлар ур., 2нче йорт.
«ТАТМЕДИА» акционерлык җәмгыяте
«Татар-информ» мәгълүмат агентлыгы татар редакциясе
Баш редактор
Рәмис Латыйпов
Баш редактор урынбасары
Ләйсән Хафизова
Баланың хәле китү сәбәпле, Пхукет–Шереметьево рейсындагы самолет Казанда төшкән
Табиблар бу балага ярдәм күрсәтергә тырышкан, әмма ул үлгән.
(Казан, 18 октябрь, «Татар-информ»). Баланың хәле начарлану сәбәпле, Казан аэропортына «Аэрофлот» авиакомпаниясе самолеты төшкән. Бу турыда Россия Гадәттән тыш хәлләр министрлыгының Татарстан буенча Баш идарәсе матбугат хезмәтендә хәбәр иттеләр.
Таиландтан Мәскәүгә таба оча торган аэробуста Израильдән килгән кыз баланың сулыш алуы начарланган. Шул сәбәпле, самолет Казан аэропортына төшәргә мәҗбүр булган.
Экипаж бу хәл турында табибларга алдан хәбәр иткән, шуңа күрә алар самолетны урында ук көтеп торган. Табиблар самолет бортында балага ярдәм күрсәтергә тырышкан, әмма аны коткара алмаганнар. Кыз бала вафат булган.
Кызыклы яңалыкларны күзәтеп бару өчен Телеграм-каналга язылыгыз