Балаларга хокукый ярдәм күрсәтү көнендә Әтнә районында консультация алырга мөмкин
Скопировать ссылку
20 ноябрьдә Бөтенроссия балаларга хокукый ярдәм күрсәтү көне кысаларында 09.00 сәгатьтән 12.00 сәгатькә кадәр Әтнәнең «Ашыт» мәдәни-спорт комплексының актлар залында түләүсез юридик консультация узачак. Бу хакта «Әтнә таңы» хәбәр итә.
Чарада прокуратура, социаль яклау бүлеге, балигъ булмаганнар эшләре буенча комиссия, опека һәм попечительлек бүлеге, мәгариф бүлеге вәкилләре, Җәзаларны үтәтү федераль хезмәте инспекторы, полиция хезмәткәре, шулай ук адвокат һәм нотариус катнашачак.
Консультациягә язылу өчен 2-10-48 телефоны буенча шалтыратырга мөмкин.