Җәмгыять 17 ноябрь 2018 13:20

Балаларга хокукый ярдәм кысаларында аларның хокукларын яклау турында сөйләячәкләр

Белгечләр ятим һәм инвалид балаларга, шулай ук тәрбиягә бала алучыларга бушлай юридик ярдәм күрсәтәчәк.

Скопировать ссылку

(Казан, 17 ноябрь, «Татар-информ»). 20 ноябрьдә, Бөтенроссия Балаларга хокукый ярдәм көнендә Татарстан районнарында һәм шәһәр округларында балалар хокукларын, балалар һәм ата-аналар мөнәсәбәтләрен һәм опеканың юридик аспектларын гамәлгә ашыру һәм яклау мәсьәләләре буенча семинарлар һәм лекцияләр узачак. Бу турыда «Татмедиа» Республика матбугат һәм массакүләм коммуникацияләр агентлыгының матбугат хезмәтләре белән эш һәм җәмәгатьчелек белән элемтә бүлеге хәбәр итә.

Моннан тыш, белгечләр ятим һәм инвалид балаларга, ата-ана тәрбиясеннән мәхрүм балаларга, шулай ук тәрбиягә ятим бала алучыларга һәм аларның законлы вәкилләренә бушлай юридик ярдәм күрсәтәчәк.

Чаралар узачак урыннар исемлеге Татарстан Юстиция министрлыгының рәсми сайтында «Бушлай юридик ярдәм» бүлегендә һәм республика муниципалитетлары башкарма комитетлары сайтларында чыгачак.

Балаларга хокукый ярдәм көнендә Федераль суд приставлары федераль хезмәтенең ТР буенча идарәсе, төрле министрлыклар һәм башка ведомстволар вәкилләре катнаша.

#балалар #хокукый ярдәм

Сәхифәләр

Балаларга хокукый ярдәм кысаларында аларның хокукларын яклау турында сөйләячәкләр