Сәхифәләр
«Татар-информ» мәгълүмат агентлыгы баш редакторы
Ринат Вагыйз улы Билалов
420066, Татарстан Республикасы, Казан, Декабристлар ур., 2нче йорт.
«ТАТМЕДИА» акционерлык җәмгыяте
«Татар-информ» мәгълүмат агентлыгы татар редакциясе
Баш редактор урынбасары
Зилә Мөбәрәкшина
Балалар тәрбияләү белән шөгыльләнүче ата-анага хезмәт хакы түләргә тәкъдим ителде
Дәүләт Думасы депутаты Виталий Милонов үзен тулысынча балалар тәрбияләүгә багышлаган ата-аналарның берсенә «хезмәт хакы» түләү мөмкинлеген карарга тәкъдим итте. Инициатива белән ул Хезмәт һәм социаль яклау министрлыгы башлыгы Антон Котяковка мөрәҗәгать итте. Бу хакта RT хәбәр итә.
Милонов сүзләренчә, соңгы елларда Россия җәмгыятендә ата-анага ярдәм чаралары турында актив фикер алышалар. Еш кына ата-ананың берсе бала карау өчен эшен калдыра, бу бигрәк тә 5-6 яшькә кадәрге балалары булган гаиләләргә кагыла. Мондый вазгыять бигрәк тә күп балалыларга хас һәм бу гаиләнең гомуми кеременең сизелерлек кимүенә китерә.
«Гаилә институтына ярдәм итүнең һәм демографик вазгыятьне стимуллаштыруның югары әһәмиятен исәпкә алып, үзен балаларны тәрбияләүгә багышлаган ата-аналарның берсе өчен «хезмәт хакы» кертү мөмкинлеген карауны сорыйм», - дип ассызыклады Милонов мөрәҗәгатендә.
Кызыклы яңалыкларны күзәтеп бару өчен Телеграм-каналга язылыгыз