Сәясәт 15 сентябрь 2014 19:16

Балалар республика клиник хастаханәсе пациентларының ата-аналары һәм медицина учреждениесе хезмәткәрләре ТР Дәүләт Советына депутатлар сайлауларында катнашкан

Сайлауларда барлыгы 237 кеше булып, аларның 200 е чамасы – пациентларның ата-аналары

Скопировать ссылку

(Казан, 15 сентябрь, «Татар-информ»). Кичә ТР Сәламәтлек саклау министрлыгының Балалар республика клиник хастаханәсендә V чакырылыш Татарстан Республикасы Дәүләт Советына депутатлар сайлаулар узды, дип хәбәр итә ТР Сәламәтлек саклау министрлыгы.

ТР Сәламәтлек саклау министрлыгының Балалар республика клиник хастаханәсе сайлау участогы иртәнге 8.00 сәгатьтән эшли башлады.

Сайлауларда барлыгы 237 кеше катнашты, аларның 200 е чамасы – пациентларның ата-аналары, калганнары – балалар медицина учреждениеләре хезмәткәрләре.
Оештыручылар сайлаучыларның активлыгын билгеләп үтте. 10.00 сәгатьтә балалар медицина учреждениесенең бөтен сайлаучылары да тавыш бирде.

Сәхифәләр