Сәхифәләр
«Татар-информ» мәгълүмат агентлыгы баш редакторы
Ринат Вагыйз улы Билалов
420066, Татарстан Республикасы, Казан, Декабристлар ур., 2нче йорт.
«ТАТМЕДИА» акционерлык җәмгыяте
«Татар-информ» мәгълүмат агентлыгы татар редакциясе
Баш редактор урынбасары
Зилә Мөбәрәкшина
Балалар өчен татар телендә пьесалар иҗат итүче авторларны бәйгедә катнашырга чакыралар
Казанда балалар һәм яшүсмерләр өчен татар телендә пьесалар язучыларга кагылышлы «Алмачуар» драматургия бәйгесенә гаризалар кабул ителә башлады. Җиңүчегә 110 мең сум күләмендә акчалата бүләк каралган. Бу хакта Казан мэриясе матбугат хезмәте хәбәр итә.
Бәйгедә 18 яшьтән олырак авторларның катнашуы мөһим. Пьеса язучылар үз әсәрләрен дүрт номинация буенча иҗат итә ала: кече состав өчен (10 персонажга кадәр) балалар пьесасы (10 яшькә кадәр), зур состав өчен (10 персонаждан күбрәк) балалар пьесасы (10 яшькә кадәр), кече состав өчен (10 персонажга кадәр) яшүсмерләр пьесасы (11 дән 16 яшькә кадәр), зур состав өчен (10 персонаждан күбрәк) яшүсмерләр пьесасы (11 дән 16 яшькә кадәр).
Номинацияләрдә җиңүчеләргә акчалата бүләкләр каралган: беренче урынга – 110 мең сум, икенче урынга – 90 мең сум һәм өченче урынга 70 мең сум тапшырылачак.
Катнашучылардан гаризаны пьеса тексты белән бергә 1 октябрьгә кадәр mailto:konkurskazan@mail.ru электрон почтасы аша юллаулары сорала.
Әлеге бәйге Казанда икенче тапкыр үткәрелә. Аны Казан мэриясе оештыра.
Кызыклы яңалыкларны күзәтеп бару өчен Телеграм-каналга язылыгыз