Җәмгыять 12 апрель 2023 07:57

Балалар өчен милли спорт төрләре буенча спартакиада талисманы рәсем бәйгесе игълан ителде

Скопировать ссылку

Балалар өчен Россия күләмендәге I Милли спорт төрләре буенча спартакиада талисманы рәсем конкурсы игълан ителде

Эшләрне тапшыру 2023 елның 18 апреленә кадәр дәвам итә, җиңүчеләр 25 апрель билгеләнәчәк. Бәйгедә 5 яшьтән 16 яшькәчә балалар катнаша ала. Бу хакта Бөтендөнья татар конгрессы матбугат хезмәте хәбәр итә.

Конкурста катнашу өчен, Бөтендөнья татар конгрессының tatar-congress@mail.ru почтасына бер яисә берничә номинация буенча эшләрне юлларга кирәк.

Конкурсның темасы: 2023 елның 18-20 август көннәрендә Чиләбе өлкәсе Коншак районы Коншак авылында I «Без татар» Милли спорт төрләре буенча узачак спартакиаданың талисманын уйлап табу.

Конкурсның максаты – мәктәпкәчә яшьтәге балалар, укучылар, аларның ата-аналары һәм укытучылар арасында буыннан буынга күчә торган милли спорт төрләрен, борыңгы татар уеннарын популярлаштыру һәм ныгыту, үстерү.

Сәхифәләр

Балалар өчен милли спорт төрләре буенча спартакиада талисманы рәсем бәйгесе игълан ителде