Җәмгыять 1 июнь 2019 15:56

Бала хокуклары буенча вәкаләтле вәкилнең ярдәмчеләренә таныклык тапшырылды

Гүзәл Удачина Татарстанда балалар өчен бик күп эш башкарылуын әйтте.

Скопировать ссылку

(Казан, 1 июнь, "Татар-информ"). Бүген, Халыкара балаларны яклау көнендә, Татарстан Дәүләт Советында республикада Бала хокуклары буенча вәкаләтле вәкилнең балалар җәмәгать ярдәмчеләренә таныклыклар тапшыру тантанасы булды. Анда Татарстан Дәүләт Советы Рәисе урынбасары Римма Ратникова һәм парламентның Социаль сәясәт комитеты рәисе Светлана Захарова катнашты. Бу турыда Татарстан Дәүләт Советы матбугат хезмәте хәбәр итә.

Татарстан Республикасында Бала хокуклары буенча вәкаләтле вәкил Гүзәл Удачина Татарстанда балалар өчен бик күп эш эшләнә, диде.

"Бу чараның Халыкара балаларны яклау көнендә узуы символик мәгънәгә ия, - диде ул. - Бүген сезнең эшчәнлек Бала хокуклары буенча вәкаләтле вәкилнең җәмәгать ярдәмчеләре сыйфатында башлана.

"Балалар җәмәгать кабул итү бүлмәсе" проекты республикада 15 ел эшли. Проектта катнашу сезгә иҗтимагый тормышта үз активлыгыгызны күрсәтергә мөмкинлек бирер дип ышанам. Белемгә һәм тормыш позициясенә омтылуыгыз өчен рәхмәт сезгә. Уңышлар сезгә!", - дип сөйләде ул.

Татарстан Дәүләт Советы Рәисе урынбасары Римма Ратникова җыелучыларны Дәүләт Советы җитәкчелеге исеменнән сәламләде. "Бүген безнең өчен, парламентарийларның, балаларның төп бәйрәме белән бәйле истәлекле көне, - диде ул. - Бүген бу залда җәмәгать тормышында хокук яклаучы юлын сайлаган яшь егетләр һәм кызлар җыелуы бик әйбәт. Сез бик яхшы беләсез, гражданлык иреге һәм хокуктан тыш, вәкаләтләр дә бар. Моны исегездә тотыгыз, һәрвакыт гадел булыгыз. Бәйрәм белән!"

Парламент комитеты рәисе Светлана Захарова, муниципаль районнардан килгән егетләргә һәм кызларга җәмәгать ярдәмчесе таныклыклары тапшырды. Закон чыгару эшчәнлеге белән балалар омбудсмены институты эше бәйләнешен әйтте.

#1 июнь

Сәхифәләр

Бала хокуклары буенча вәкаләтле вәкилнең ярдәмчеләренә таныклык тапшырылды