Бакуда татар теле олимпиадасының төбәк туры Халыкара туган телләр көненә билгеләнгән
Олимпиадада катнашу өчен 14 яшьтән 25 яшькә кадәрге укучылар һәм студентлар чакырыла.
Скопировать ссылку
(Казан, 18 февраль, «Татар-информ»). 21 февральдә - Халыкара туган телләр көнендә - Татарстан Республикасының Азәрбайҗан Республикасындагы Даими вәкиллеге бинасында татар теле һәм әдәбияты олимпиадасының сайлап алу туры узачак. Бу хакта Бөтендөнья татар конгрессы хәбәрендә белдерелә.
Олимпиадада катнашу өчен 14 яшьтән 25 яшькә кадәрге мәктәп укучылары һәм студентлар чакырыла.
Үзең белән шәхесне раслый торган таныклык алып килергә кирәк. Сайлап алу туры 15.00 сәгатьтә башлана.