news_header_top_970_100
16+
news_header_bot_970_100

Бакуда Каюм Насыйриның 200 еллык юбилеен билгеләп үтәчәкләр

Бакуда Каюм Насыйриның 200 еллык юбилеен билгеләп үтәчәкләр
Фото: © «Татар-информ», Салават Камалетдинов

14 февральдә Бакуда күренекле татар фикер иясе һәм этнограф Каюм Насыйриның 200 еллык юбилеена багышланган халыкара фәнни-гамәли семинар узачак. Бу хакта Каюм Насыйри институты матбугат хезмәте хәбәр итә.

Чара Азәрбайҗан Милли Фәннәр академиясе Тарих һәм этнология институтының «Төрки халыклар тарихы һәм этнологиясе бүлеге» тарафыннан Казан федераль университеты «Каюм Насыйри институты»ның Баку мәгариф-мәдәни үзәге белән берлектә оештырыла. Модератор булып профессор, тарих фәннәре докторы, этнограф, этнолог Гөллү Йологлу чыгыш ясаячак, спикерлар арасында — тарих һәм этнология өлкәсендә әйдәп баручы фәнни хезмәткәрләр һәм экспертлар үзләренең фәнни эзләнүләрен тәкъдим итәчәк.

  • 13-14 февральдә Казан Федераль университетының Филология һәм мәдәниятара багланышлар институтында «Каюм Насыйри – галим, педагог, мәгърифәтче» халыкара фәнни-гамәли конференциясе уза.
autoscroll_news_right_240_400_1
autoscroll_news_right_240_400_2
news_bot_970_100