Бакчачыларның рәсми бәйрәме сентябрьнең беренче шимбәсендә билгеләп үтеләчәк
Тик быел бакчачылар көнен 21 сентябрьдә билгеләп үтәчәкләр.
- ВКонтакте
- Telegram
- РћРТвЂВВВВВВВВнокласснРСвЂВВВВВВВВРєРСвЂВВВВВВВВ
- РњРѕР№ Р В Р’В Р РЋРЎв„ўР В Р’В Р РЋРІР‚ВВВВВВВВРЎР‚
Скопировать ссылку
(Казан, 20 сентябрь, “Татар-информ”, Энҗе Габдуллина). Бакчачылар көне рәсми рәвештә сентябрьнең беренче шимбәсендә билгеләп үтеләчәк. Бу хакта бүген бакчачыларга дәүләт ярдәмнәре матбугат конференциясендә Авыл хуҗалыгы һәм азык-төлек министры урынбасары Ришат Хәбипов әйтте.
Татарстан Республикасы Дәүләт Советының 2019 елның 11 июле карары нигезендә сентябрьнең беренче шимбәсе бакчачылар көне дип игълан ителде. Тик 2019 елгы бакчачылар көне бераз соңрак – 21 сентябрьдә билгеләнеп үтәчәк.
“Быел бакчачылар көне дигән бәйрәм рәсми рәвештә билгеләнде. Бу бакчачыларга булган зур игътибар билгесе. Бу безгә бакчачыларны берләштерергә дә ярдәм итәчәк,” - дигән фикердә Ришат Хәбипов.
“Иртәгә, ягъни 21 сентябрь көнне, Казан агросәнәгать паркында бакчачыларның зур бәйрәме булачак. Анда барлык шәһәр халкын, бакчачыларны чакырабыз. Бәйрәм дәвамында иң яхшы бакчачылар бүләкләнәчәк, төрле остаханәләр дә үткәреләчәк”, – дип билгеләп үтте ул.
