Байлар Сабасының Овражный тыкрыгындагы чишмәдә төзекләндерү эшләре тәмамланды. Ул халык телендә Әмәнде чишмәсе дип йөртелә.
Ул «Ямьле Саба» яр буе зонасының быел төзекләндерелгән өлешендә урнашкан. Биредә «ПМК-Мелиорация» хезмәткәрләре тарафыннан күләмле эш алып барылды. Проект буенча, чишмәгә төшү юлына баскыч ясалды, тыкрыкка вак таш түшәлде, күперчек ясалды. Бу турыда «Саба таңнары» хәбәр итә.
«Чишмә бистәбезнең халык теләп килә торган иң матур урыннарының берсенә әйләнер дип уйлыйбыз», диелгән хәбәрдә.