Спорт 14 февраль 2020 07:14

Бадминтон буенча Татарстан беренчелегендә 250 дән артык спортчы катнашачак

Ярыш нәтиҗәләре буенча республика җыелма командалары исемлеге яңартылачак һәм Россия беренчелекләрендә катнашу өчен состав билгеләнәчәк.

Скопировать ссылку

(Казан, 14 февраль, "Татар-информ"). 14-16 нчы февральдә Казанда Бадминтон буенча Татарстан Республикасы шәхси-команда беренчелеге узачак. Ярышларда Казан, Яр Чаллы һәм республика районнарыннан 250 дән артык спортчы катнашачак. Бу хакта Казан мэриясенең матбугат хезмәте хәбәр итә.

Турнир ике яшь категориясендә узачак: 10 яшьтән 14 яшькә кадәр һәм 15 тән 18 яшькә кадәрге спортчылар өчен.

Команда ярышлары бадминтон үзәгендә 14 нче февральдә 10.00 сәгатьтә башлана. 15 нче февральдә – ялгыз разрядта, 16 нчы февральдә парлы разрядта ярышлар узачак.

Җиңүчеләрне бүләкләү тантанасы 16 нчы февральдә 17.00 сәгатьтә узачак, диелгән әлеге хәбәрдә.

#бадминтон #спорт

Сәхифәләр

Бадминтон буенча Татарстан беренчелегендә 250 дән артык спортчы катнашачак