Сәясәт 18 март 2018 14:30

Бәйсез дәүләтләр берлегеннән күзәтүче: Татарстанда сайлаулар оешкан төстә уза

Халыкара күзәтүчеләр республиканың сайлау участокларында хокук бозу очраклары булмавын белдерә.

Скопировать ссылку

(Казан, 18 март, “Татар-информ”, Егор Никитин). Бүген Татарстанда Президент сайлаулары оешкан төстә уза. Тавыш бирү участокларындагы техник яңалыклар хокук бозуларны булдырмау мөмкинлеге бирә. Бу хакта журналистларга Бәйсез дәүләтләр берлеге (БДБ) күзәтүчеләр миссиясе әгъзасы белдерде.

БДБ күзәтүчеләренең тавыш бирү башланганнан бирле дистәгә якын участокта булуларын билгеләп үтте ул.

“Бу сайлауларда кулланыла торган яңалыклар хокук бозуларны булдырмау мөмкинлеге бирә. Без участокларда башка күзәтүчеләр белән аралаштык, алар барысы да хокук бозу очраклары булмавын белдерә. Без дә андый очракларны теркәмәдек. Сайлаулар оештырылган төстә уза”, – диде Виктор Лискович.

“Кешеләрдә тавышлары игътибарсыз калмаячагына ышаныч булсын өчен бик күп яңалыклар кертелгән – бюллетеньнарны маркировкалау, үтә күренмәле урналар, электрон комплекслар, видео- һәм аудиокүзәтүләр. Болар барысы да Россия Президенты сайлаулары намуслы узачагына ышандыра”, – диде БДБ күзәтүчеләр миссиясе вәкиле.

#сайлаулар-2018

Сәхифәләр

Бәйсез дәүләтләр берлегеннән күзәтүче: Татарстанда сайлаулар оешкан төстә уза