Бөтентатар иҗтимагый үзәге рәислегенә кандидатлар әлегә билгесез
БТИҮнең хәзерге рәисе Фәрит Зәкиев үз кандидатурасын тәкъдим итәчәген белдерде.
Скопировать ссылку
(Казан, 8 апрель, "Татар-информ", Рәмис Латыйпов, Алсу Исмәгыйлева). Бөтентатар иҗтимагый үзәгенең XXII Корылтаенда үзәкнең яңа рәисе сайланачак. Бу хакта "Татар-информ" агентлыгы хәбәрчесенә БТИҮнең хәзерге рәисе Фәрит Зәкиев әйтте.
Рәислеккә кемнәрнең дәгъва кылачагы әлегә билгесез, әмма алар булыр, дип уйлый Зәкиев. "Сез үз кандидатурагызны тәкъдим итәчәксезме?" дигән сорауга Зәкиев "Әйе" дип җавап бирде.
Казанның "Сәфәр" кунакханә комплексында уза торган Корылтай үз эшен дәвам итә. Әлегә делегатлар намазга бүленде.