Сәхифәләр
«Татар-информ» мәгълүмат агентлыгы баш редакторы
Ринат Вагыйз улы Билалов
420066, Татарстан Республикасы, Казан, Декабристлар ур., 2нче йорт.
«ТАТМЕДИА» акционерлык җәмгыяте
«Татар-информ» мәгълүмат агентлыгы татар редакциясе
Баш редактор урынбасары
Зилә Мөбәрәкшина
Бөтентатар иҗтимагый үзәге Корылтаенда пленум әгъзалары һәм президиум әгъзалары сайланды
Пленумга милли хәрәкәттә актив булган 60 кандидат тәкъдим ителде.
(Казан, 8 апрель, «Татар-информ», Рәмис Латыйпов). Бөтентатар иҗтимагый үзәгенең XII Корылтаенда пленум әгъзалары һәм президиум әгъзалары сайланды.
Пленумга милли хәрәкәттә актив булган 60 кандидат тәкъдим ителде. Алар арасында Ринат Йосыпов, Ренат Нургали, Рифкать Җәлалов, Рафис Кашапов, Фәүзия Бәйрәмова бар.
«Азатлык» татар яшьләре берлеге рәисе Наил Нәбиуллин үз теләге белән пленумга керүдән баш тартты. Аның баш тартуы кабул ителде. Аксубай делегатлары, үз кандидатларының кермәвен белдергәч, Айрат Хәтмулла алар файдасына үз урынннан баш тартты. Әмма аның баш тартуын утырышны алып баручы кабул итмәде. «Синнән самоотвод кабул итмим», - дип белдерде ул.
Ике делегатның каршы тавышы белән пленум расланды.
Пленум сайлангач, Мансур Садыйков устав буенча 15 кенә пленум әгъзасы булырга тиешлеген белдерде. Беркадәр бәхәсләшкәч, исемлектәге яшьләрнең пленум әгъзасы итеп расланганы, ә өлкән яшьтәгеләрнең резервта торачагы игълан ителде.
Президиумга 23 кеше тәкъдим ителде. Президиумга тәкъдим ителгән Габдуллаҗан Җәлалов үзе һәм хатыны Гөлфаниянең кандидатураларын алуларын белдерде. Гөлфания Җәлалова: «Калыйк дип сөйләштек бит» дисә дә, ул үз сүзендә калды. Президиумга керүдән Рифкать Кормаш һәм Наил Нәбиуллин да баш тартты.
1 кеше каршылыгы белән президиум расланды.
Кызыклы яңалыкларны күзәтеп бару өчен Телеграм-каналга язылыгыз