news_header_top_970_100
Руc Тат
16+
news_header_bot_970_100
Җәмгыять 11 ноябрь 2014 13:00

“Бөтенроссия җирле үзидарә советы” Гомумроссия иҗтимагый оешмасының Татарстан төбәк бүлеге төбәк советына яңа рәис билгеләнде

Альберт Хәбибуллин бу вазифадагы вәкаләтләрне өч ел башкарачак

Скопировать ссылку

(Казан, 11 ноябрь, “Татар-информ”, Гөлнар Гарифуллина). “Бөтенроссия җирле үзидарә советы” Гомумроссия иҗтимагый оешмасының Татарстан төбәк бүлеге төбәк советы рәисе итеп ТР Дәүләт Советының Дәүләт корылышы һәм җирле үзидарә комитеты рәисе Альберт Хәбибуллин сайлап куелды. Бүген әлеге мәсьәлә “Бөтенроссия җирле үзидарә советы” Гомумроссия иҗтимагый оешмасының Татарстан төбәк бүлегенең VII конференциясе көн тәртибенә кертелгән иде. Хисап-сайлау конференциясендә ТР Дәүләт Советы Рәисе Фәрит Мөхәммәтшин катнашты.

Искәртеп узабыз: Альберт Хәбибуллинга кадәр бу вазифаны Василий Логинов башкарган иде.

Василий Логинов шәрехләп үткәнчә, “Бөтенроссия җирле үзидарә советы” Гомумроссия иҗтимагый оешмасының Татарстан төбәк бүлеге советы рәисе вазифасына Альберт Хәбибуллин кандидатурасы Татарстан төбәк бүлеге төбәк советының 2014 нче елның 30 нчы октябрендә кабул ителгән карары нигезендә тәкъдим ителгән. Татарстан төбәк бүлеге төбәк советы рәисе вәкаләтләре өч ел дәвам итәчәк.

Альберт Хәбибуллин үзенә күрсәтелгән зур ышаныч өчен рәхмәтен җиткерде. “Минемчә, әлеге иҗтимагый оешма Татарстан Республикасы муниципаль берәмлекләре советының көндәше булып тормый, киресенчә, совет белән тыгызрак элемтәдә булып, җирле үзидарә проблемаларын бергәләп хәл итү өстендә эшләячәкбез”, - дип билгеләп үтте ул.

 

autoscroll_news_right_240_400_1
autoscroll_news_right_240_400_2
news_bot_970_100