Татар дөньясы 22 август 2019 10:43

Бөтендөнья татар яшьләре форумы уставына үзгәрешләр кертеләчәк

25 августта Бөтендөнья татар яшьләре форумы рәисе сайлана.

Скопировать ссылку

(Казан, 22 август, «Татар-информ», Рузилә Мөхәммәтова). Бөтендөнья татар яшьләре форумы уставына үзгәрешләр кертеләчәк. Бу хакта Бөтендөнья татар конгрессында үткәрелгән матбугат конференциясендә Татар яшьләре оешмалары җитәкчеләрен укыту форумын оештыручылар хәбәр итте.

Татар яшьләре оешмалары җитәкчәләрен укыту форумы 23 августта Казанның Кариев театры бинасында ачыла. Форум чаралары 23 – 25 август көннәрендә Иннополис шәһәрендә үтә.

Форум укуларында төрле илләрдән һәм төбәкләрдән 150 кеше катнашачак. Кунаклар 11 илдән һәм Россиянең 42 төбәгеннән киләчәк. Шулай ук Татарстан районнарыннан яшьләр оешмалары җитәкчеләре катнаша.

Оештыручылар 25 август көнне Пленар утырышта Бөтендөнья татар яшьләре форумы рәисе сайлануын һәм Форум уставына кайбер үзгәрешләр кертелүен әйттеләр.

Бөтендөнья татар яшьләре форумы рәисе урынбасары Айрат Фәйзрахманов әйтүенчә, рәис сайлау тәртибе һәм аның урынбасарларын билгеләү буенча өстәмәләр булырга мөмкин. “Устав барлык яшьләр оешмаларына җибәрелгән, катнашучылар аның белән танышалар. Форум вакытында тәкъдимнәр булыр дип уйлыйм”, - диде ул.

“Яшь чикләре 18дән 35кәчә булса да, ул чиктән чыгып китүчеләр дә бар иде. 16 яшьлек актив яшьләребез дә бар. Андыйлар өчен һәм яше артып киткән, әмма булышырга теләүчеләр өчен, бәлки, искәрмә турында да пункт булыр. Шуларны күздә тотып мин Попесительләр шурасы булдыру турында сүз алып барган идем. Бу пункт та уставка керергә мөмкин”, - диде Айрат Фәйзрахманов.

#Татар яшьләре форумы

Сәхифәләр

Бөтендөнья татар яшьләре форумы уставына үзгәрешләр кертеләчәк