Татар дөньясы 28 июль 2017 16:49

Бөтендөнья татар конгрессының VI съезды пленар утырышында күтәреләчәк мәсьәләләр мәгълүм

Бөтендөнья татар конгрессының VI съездына Россиянең 73 төбәгеннән 479, Татарстаннан 106 һәм 41 чит илдән 216 делегат катнашачак.

Скопировать ссылку

(Казан, 28 июль, "Татар-информ", Лилия Локманова). Бөтендөнья татар конгрессының VI съездына Россиянең 73 төбәгеннән - 479, Татарстаннан - 106 һәм 41 чит илдән 216 делегат катнашачак. Чарага чакырылган кунаклар саны - 253, шуның 89сы Россия төбәкләреннән. Гомумән алганда, съезд эшендә 1054 делегат һәм кунак катнашыр дип көтелә. Бу саннарны бүген журналистларга Бөтендөнья татар конгрессы Башкарма комитеты рәисе Ринат Закиров җиткерде.

"Алтынчы съезд башкалардан саны белән аерылып торачак", - диде ул һәм съездның программасы белән кыскача таныштырды.

Ринат Закиров хәбәр итүенчә, съездның пленар утырышы 3 августка билгеләнгән. Ул Муса Җәлил исемендәге Татар дәүләт опера һәм балет театры бинасында үтәчәк.

Пленар утырышта Бөтендөнья татар конгрессы Башкарма комитеты хисабы, Контроль ревизия комиссиясе хисабы, Бөтендөнья татар конгрессы уставына үзгәрешләр кертү, съездның резолюциясен һәм мөрәҗәгатьләрен кабул итү, милли шура сайлау, җитәкче органнарны, контроль-ревизия комиссиясен сайлау булачак.

#Vi съезд #Ринат Закиров #конгресс

Сәхифәләр

Бөтендөнья татар конгрессының VI съезды пленар утырышында күтәреләчәк мәсьәләләр мәгълүм