Сәхифәләр
«Татар-информ» мәгълүмат агентлыгы баш редакторы
Ринат Билалов
420066, Татарстан Республикасы, Казан, Декабристлар ур., 2нче йорт.
«ТАТМЕДИА» акционерлык җәмгыяте
«Татар-информ» мәгълүмат агентлыгы татар редакциясе
Баш редактор
Рәмис Латыйпов
Баш редактор урынбасары
Ләйсән Хафизова
Бәләбәй һәм Күмертау шәһәрләрендә бизнес белән шөгыльләнүчеләргә ташламалар каралачак
Башкортстанның ике моношәһәре социаль-икътисади үсеше алдан билгеләнгән территорияләр исемлегенә керде.
(Казан, 5 гыйнвар, “Татар-информ”). Башкортстан хакимияте социаль-икътисади үсеше алдан билгеләнгән ике территория резидентларының кеременә һәм милкенә салым ставкасын ташламалы итәргә планлаштыра, дип хәбәр итә ТАСС әлеге республика Хөкүмәте вәкиленә сылтама белән.
Россия Федерациясе Хөкүмәте башлыгы Дмитрий Медведев имзасын салган карарларда Башкортстанның Бәләбәй һәм Күмертау моношәһәрләрендә социаль-икътисади үсеше алдан билгеләнгән территорияләр булдыру турында әйтелә. 2016 елның 29 декабрендә кул куелган шушы документлар Хөкүмәт сайтында урын алган.
"Социаль-икътисади үсеше алдан билгеләнгән территорияләр резидентларына салым ташламалары бирү максатында, республика югарылыгында закон проектлары әзерләнде. Әйтик, керемгә салым беренче 5 елга 5 процентка ким була, аннан соңгы 5 елга – 10 процентка, оешмалар милкенә салым ставкасы - 0 процент”, - дип хәбәр иткән Башкортстан Хөкүмәте вәкиле.
Шәһәрләрнең идарә командалары махсус прогармма буенча укыган һәм моношәһәрләрне үстерү проектларын яклаган. Социаль-икътисади үсеше алдан билгеләнгән территорияләр, шәһәрләрне икътисадын диверсификацияләү юлы белән үстерү, инвестицияләр җәлеп итү һәм шәһәр оештыру оешмалары (“Күмертау авиация җитештерү предприятиесе” акционерлык җәмгыяте һәм “Автонормаль” Бәләбәй заводы” ачык акционерлык җәмгыяте) белән бәйле булмаган эш урыннары булдыру максатыннан, оештырыла.
Кызыклы яңалыкларны күзәтеп бару өчен Телеграм-каналга язылыгыз