Архив 26 апрель 2010 11:17

Бүгеннән Казанда Европа иммунлаштыру атналыгы үткәрелә

Гепатит, кызамык, дифтерия, столбняк, кызамыктан бушлай прививка ясатырга мөмкин

Скопировать ссылку

(Казан, 26 апрель, “Татар-информ”, Миләүшә Низаметдинова). Бүгеннән 1 майга кадәр Казанда Европа иммунлаштыру атналыгы, аның кысаларында махсус чаралар үткәрелә.

Мәсәлән, бүген иртәнге 9дан сәгать кичке 4кә кадәр 2 нче балалар поликлиникасында (Шмидт ур., 30) вакцинация мәсьәләләре буенча консультатив пункт эшли башлаячак. Анда исә ата-аналарга һәм балаларга вацинациянең әһәмияте һәм мөһимлеге аңлатыла. Балаларга шушы урында, олыларга исә үзләре теркәлгән поликлиникада прививка ясала.

Шул рәвешле, эш көннәрендә сәгать иртәнге 9дан кичке 5кә кадәр, шимбә көнне исә 9дан кичке 3кә кадәр гепатит, кызамык, дифтерия, столбняк (йогышлы тартышу авыруы), кызамыктан бушлай прививка ясатырга мөмкин.

Соңгы көннәрне Казан балалар поликлиникаларының 5сендә шундый ук консультатив пункт эшләячәк, дип хәбәр итә Казан шәһәре сәламәтлек саклау идарәсе.

Сәхифәләр

Бүгеннән Казанда Европа иммунлаштыру атналыгы үткәрелә