Җәмгыять 19 ноябрь 2012 16:16

Бүгенгә Татарстанда таксиларга 6358 рөхсәт бирелгән

Киләсе елның 1 гыйнварыннан такси төсенә таләпләр үз көченә керә

Скопировать ссылку

(Казан, 19 ноябрь, “Татар-информ”). Татарстанда җиңел таксиларда пассажирлар һәм багажлар ташуга рөхсәт бирү дәвам итә. Билгеле булганча, бу эш узган елның 8 декабрендә башланган иде.
ТР Транспорт һәм юл хуҗалыгы министрлыгының пассажирлар ташу бүлеге мәгълүматларына караганда, бүгенгә шундый 6358 рөхсәт кәгазе бирелгән.
Исегезгә төшерәбез, “Татарстан Республикасы териториясендә җиңел таксиларда пассажирлар һәм багаж ташу турында”гы республика кануны нигезендә, киләсе елның 1 гыйнварыннан такси төсенә таләпләр үз көченә керә. Аннан күренгәнчә, такси максатында файдаланыла торган автомобиль кузовы ак яисә сары төстә булырга тиеш.

Сәхифәләр

Бүгенгә Татарстанда таксиларга 6358 рөхсәт бирелгән