news_header_top
16+
news_header_bot
news_top

Бүген ТРның РФдагы Тулы вәкаләтле вәкиллегендә ТАССРның 90 еллыгы хөрмәтенә кабул итү була

Тантаналы чарада Татарстан Дәүләт Советы Рәисе Фәрит Мөхәммәтшин һәм ТРның РФдагы Тулы вәкаләтле вәкиле Равил Әхмәтшин катнаша

(Мәскәү, 21 май, «Татар-информ», Рафис Измайлов). Бүген Мәскәүдә Татарстан Республикасының РФдагы Тулы вәкаләтле вәкиллегендә ТАССРның 90 еллыгы хөрмәтенә кабул итү була. Тантаналы чарада Татарстан Дәүләт Советы Рәисе Фәрит Мөхәммәтшин һәм ТРның РФдагы Тулы вәкаләтле вәкиле Равил Әхмәтшин катнаша.
Юбилей тантанасында төрле федераль структуралардан Татарстанның партнерлары булачак: Россия Президенты Администрациясе, РФ Хөкүмәте, Федерация Советы һәм Дәүләт Думасы, шулай ук Мәскәү шәһәре һәм өлкәсе вәкиллекләре, дипломантлар, РФ субъектлары вәкиллекләре җитәкчеләре.
Чакырылган кунаклар арасында Мәскәү төбәгендә яшәүче сугыш һәм хезмәт ветераннары, танылган җәмәмгать эшлеклеләре, актерлар, спортчылар һәм язучылар, эшлекле даирә вәкилләре бар.

news_right_1
news_right_2
news_bot