Фән һәм мәгариф 8 февраль 2010 15:42

Бүген ТР Фәннәр академиясендә Россия фәне көне уңаеннан тантаналы җыелыш уза

Әлеге чара вакытында ТР Фәннәр академиясенең әгъза-мөхбире А.Кыясовның “Медицинаның яңа перспективалары – регенератив медицина” дигән темага ачык лекция укуы көтелә

Скопировать ссылку

(Казан, 8 февраль, “Татар-информ”). Бүген – Россия фәне көнендә ТР Фәннәр академиясендә тантаналы җыелыш уза. Академиянең рәсми сайт хәбәрләренә караганда, ТР Премьер-министрының беренче урынбасары Р.Моратов, ТР Фәннәр академиясе президенты Ә.Мазһаров, Казан дәүләт университеты ректоры М.Сәлахов, Россия Фәннәр академиясенең Казан Фәнни үзәге рәисе О.Синяшин һәм башкаларның катнашуы көтелә.

Әлеге чара вакытында ТР Фәннәр академиясенең әгъза-мөхбире А.Кыясовның “Медицинаның яңа перспективалары – регенератив медицина” дигән темага ачык лекция укуы, республиканың фәнни династияләрен зурлау, галимнәрне Россия күләмендәге һәм халыкара бүләкләр, ТР Фәннәр академиясе премияләре һәм исемле премияләре белән бүләкләү, “Иң яхшы галим – 2009” һәм “Яшь галим – 2009” бәйгеләренә нәтиҗә чыгару көтелә.

Сәхифәләр

Бүген ТР Фәннәр академиясендә Россия фәне көне уңаеннан тантаналы җыелыш уза