Сәхифәләр
«Татар-информ» мәгълүмат агентлыгы баш редакторы
Ринат Вагыйз улы Билалов
420066, Татарстан Республикасы, Казан, Декабристлар ур., 2нче йорт.
«ТАТМЕДИА» акционерлык җәмгыяте
«Татар-информ» мәгълүмат агентлыгы татар редакциясе
Баш редактор урынбасары
Зилә Мөбәрәкшина
Бүген ТР Дәүләт Советының тантаналы утырышы уза
Ул республика тарихындагы мөһим датага – ТАССР төзелүгә 90 еллыкка багышлана
(Казан, 27 май, “Татар-информ”). Бүген Салих Сәйдәшев исемендәге Зур концертлар залында ТР Дәүләт Советының тантаналы утырышы уза. Ул республика тарихындагы мөһим датага – ТАССР төзелүгә 90 еллыкка багышлана.
Нәкъ менә шушы көнне 1920 елда ТАССР оешу турындагы Декретка кул куелган.
Парламентның тантаналы утырышына Россия Федерациясе дәүләт хакимияте органнары вәкилләре, Россия субъектлары башлыклары, муниципаль хакимият органнары җитәкчеләре, зур предприятиеләр һәм иҗтимагый оешмалар вәкилләре, фән һәм иҗат кешеләре, дин әһелләре чакырулы.
Утырышта шулай ук республиканың дәүләт хакимияте органнарының элеккеге җитәкчеләре, Югары Совет, беренче-өченче чакырылыш Дәүләт Советы депутатлары, этно-мәдәни хәрәкәт лидерлары, массакүләм мәгълүмат чаралары вәкилләре катнаша.
ТР Дәүләт Советы Рәисе Фәрит Мөхәммәтшин республика барлыкка килү тарихындагы мөһим чорга багышланган төп чыгышны ясаячак.
Татарстан парламентының әлеге утырышының әһәмиятен исәпкә алып, ул “Татарстан – яңа гасыр” каналыннан турыдан-туры трансляцияләнәчәк.
Утырыш тәмамлану белән, Татарстанның сәнгать осталары катнашында бәйрәм концерты узачак, дип хәбәр итә ТР Дәүләт Советы матбугат хезмәте.
Кызыклы яңалыкларны күзәтеп бару өчен Телеграм-каналга язылыгыз