Сәхифәләр
«Татар-информ» мәгълүмат агентлыгы баш редакторы
Ринат Вагыйз улы Билалов
420066, Татарстан Республикасы, Казан, Декабристлар ур., 2нче йорт.
«ТАТМЕДИА» акционерлык җәмгыяте
«Татар-информ» мәгълүмат агентлыгы татар редакциясе
Баш редактор урынбасары
Зилә Мөбәрәкшина
Бүген Татар дәүләт филармониясендә Айрат Арслановны искә алу кичәсе була
Агымдагы елның 10 апрелендә Айрат Арслановка 85 яшь тулган булыр иде
(Казан, 29 апрель, “Татар-информ”). Бүген Г.Тукай исемендәге Татар дәүләт филармониясендә нәфис сүз остасы, эстрада режиссеры, ТАССР Һәм РСФСРның халык артисты, Г. Тукай исемендәге дәүләт бүләге иясе, радио һәм телевидение дикторы Айрат Арслановны искә алу кичәсе була.
Филармония һәм ТР Мәдәният министрлыгы көче белән оештырылган бәйрәм концертында А.Арслановның коллегалары, Г.Камал исемендәге театр артистлары, балалары, республиканың иң яхшы сөйләм осталары, Татар дәүләт фольклор музыкасы ансамбле катнаша. Бу хакта ТР Мәдәният министрлыгы матбугат хезмәте хәбәр итә.
Агымдагы елның 10 апрелендә Айрат Арслановка 85 яшь тулган булыр иде.
Айрат Арсланов 1928 елның 10 апрелендә Башкортстанның Бүздәк районы Ахун авылында туа. 1949 елда - ул Татар дәүләт театр училищесының актерлык бүлеген, 1967 елда А.В. Луначарский исемендәге Мәскәү театр сәнгать институтының актерлык факультетын тәмамлый. 1948 елдан - Татар радиосында диктор, 1956-61 елларда Татар академия театрында артист булып эшли. 1961-65 елларда Казан телевидение студиясендә актер һәм диктор, 1965 елдан - Татар дәүләт филармониясе эстрада артисты һәм 1985 елдан режиссеры булды.
Айрат Арсланов 2010 елның 23 апрелендә Казанда вафат булды.
Кызыклы яңалыкларны күзәтеп бару өчен Телеграм-каналга язылыгыз