Сәхифәләр
«Татар-информ» мәгълүмат агентлыгы баш редакторы
Ринат Билалов
420066, Татарстан Республикасы, Казан, Декабристлар ур., 2нче йорт.
«ТАТМЕДИА» акционерлык җәмгыяте
«Татар-информ» мәгълүмат агентлыгы татар редакциясе
Баш редактор
Рәмис Латыйпов
Баш редактор урынбасары
Ләйсән Хафизова
Бүген Россиядә гадәттән тыш хәл турында хәбәр итү сиреналары «телгә» киләчәк
Хәбәр итү системалары гражданнар оборонасы буенча гомумроссия күнекмәләре кысасында тикшереләчәк.
(Казан, 2 октябрь, «Татар-информ»). Бүген Россиядә гражданнар оборонасы буенча гомуми күнекмәләр кысасында гадәттән тыш хәл турында хәбәр итү сиреналарын кабызачаклар. Бу хакта ТАСС агентлыгы РФ Гадәттән тыш хәлләр министрлыгының матбугат хезмәтенә сылтама белән хәбәр итә.
«2 октябрьдә электр сиреналарын һәм репродукторларны эшләтү күздә тотыла. Аларны кабызуның төгәл вакыты төбәк башлыклары тарафыннан билгеләнәчәк», - дип белдерделәр ведомствода.
Хәбәр итү системалары гражданнар оборонасы буенча гомумроссия күнекмәләре кысасында тикшереләчәк. Кайбер төбәкләрдә телевидение һәм радио сигналы алыштырылачак. «Россия Гадәттән тыш хәлләр министрлыгы гражданнарга тынычлыкны саклауны сорап мөрәҗәгать итә. Әлеге чара планлы рәвештә үткәрелә», - дип искәрттеләр матбугат хезмәтендә.
Һәр төбәктә әлеге җирлеккә хас гадәттән тыш хәлләрдә ничек эш итәргә кирәклегенә игътибар биреләчәк.
Кызыклы яңалыкларны күзәтеп бару өчен Телеграм-каналга язылыгыз