Сәхифәләр
«Татар-информ» мәгълүмат агентлыгы баш редакторы
Ринат Билалов
420066, Татарстан Республикасы, Казан, Декабристлар ур., 2нче йорт.
«ТАТМЕДИА» акционерлык җәмгыяте
«Татар-информ» мәгълүмат агентлыгы татар редакциясе
Баш редактор
Рәмис Латыйпов
Баш редактор урынбасары
Ләйсән Хафизова
Бүген Рафис Корбан юбилей кичәсе үткәрә
"Татар-информ" әлеге кичәдән онлайн-трансляция ясый.
(Казан, 6 февраль, “Татар-информ”, Рузилә Мөхәммәтова). Бүген Г.Тукай исемендәге татар дәүләт филармониясенең Концертлар залында шагыйрь Рафис Корбанның 60 еллыгына багышланган иҗат кичәсе була. Кичә турындагы мәгълүмат Татарстан Мәдәният министрлыгы планына кертелгән. Язучы “Татар-информ” мәгълүмат агентлыгына кичәгә төрле республикалардан каләмдәшләре килүе турында хәбәр итте.
“Кабардино-Балкариядән Муталип Беппаев, Якутиядән Иван Мигалкин, Мари Эльдән Геннадий Ояр, Чувашиядән Валери Тургай, Юрий Семендерлар килә. Алар белән хезмәттәшлек иттек, хәзер дә дуслар”, – диде язучы. Ул якын дусларын, үзен хөрмәт иткән иҗатташларын, үз укучыларын җыеп, тыныч кичә үткәрү яклы.
Программада - Зөһрә Сәхабиева, Гөлзада Сафиуллина, Газинур Фарукшин, Азат Тимершәех, Георгий Ибушев, Резидә Төхфәтуллина һәм Айдар Фәйзрахмановның җитәкчелегендәге дәүләт фольклор ансамбле чыгышы.
Башлана – 18.30 сәгатьтә.
Белеп тору өчен: Рафис Корбан – татар драматургы, балалар шагыйре, Татарстанның атказанган сәнгать эшлеклесе, Шайхи Маннур һәм Абдулла Алиш исемендәге премияләр иясе, 2012 - 2016 елларда Татарстан Язучылар берлеге рәисе иде.
"Татар-информ" әлеге кичәдән онлайн-трансляция ясый. Трансляцияне карау өчен сылтама - tatar-inform.tatar/internet-tv/30/
Кызыклы яңалыкларны күзәтеп бару өчен Телеграм-каналга язылыгыз