Сәхифәләр
«Татар-информ» мәгълүмат агентлыгы баш редакторы
Ринат Билалов
420066, Татарстан Республикасы, Казан, Декабристлар ур., 2нче йорт.
«ТАТМЕДИА» акционерлык җәмгыяте
«Татар-информ» мәгълүмат агентлыгы татар редакциясе
Баш редактор
Рәмис Латыйпов
Баш редактор урынбасары
Ләйсән Хафизова
Бүген Милли музейда халык шагыйренә багышланган очрашу була
"Туган илнең төтене дә хуш һәм татлы…" дип аталган әдәби очрашу Ренат Харис иҗатына багышлана.
(Казан, 5 июль, "Татар-информ", Мөршидә Кыямова). Бүген Татарстан Милли музеенда 15:00 сәгатьтә "Туган илнең төтене дә хуш һәм татлы…" дип аталган очрашу узачак. Бу хакта “Татар-информ” мәгълүмат агентлыгына Милли музейның матбугат үзәге җитәкчесе Руфия Мөхетдинова хәбәр итте.
Милли музейның әдәби салоны оештыра торган очрашу, Татарстанның халык шагыйре, Г. Тукай һәм Г. Державин премиясе лауреаты Ренат Харис иҗатына багышлана.
Ренат Харисов Г.Державинны татарчага беренчеләрдән булып тәрҗемә иткән татар шагыйре. Ул тәрҗемә иткән “Кизләү” китабы әдәбият сөючеләр арасында зур кызыксыну уятты.
“Державинның татарчага беренче тәрҗемә ителгән басмасы минем белән бәйле булуына горурланам да, – ди Ренат Харис. – Меңъеллык тарихы булган татар әдәбияты бөек якташыбызның шигырьләрен күптән тәрҗемә итәргә тиеш иде, дип саныйм. Державинга, аның әсәрләренә студент елларында ук мөрәҗәгать иткән идем. Аның “Бог” одасын укып нык тәэсирләнгәнем хәтердә. Шул мизгелләрдә үк инде күңелемә кереп оялады. Татар теленә тәрҗемә итәргә дә берничә тапкыр талпындым, әмма барып чыкмады. Тормыш тәҗрибәм, шагыйрьлек куәсе җитмәде бугай. Алтмыш яшьлегемә аяк басканда, мин кабат бу әсәргә алындым”.
Кызыклы яңалыкларны күзәтеп бару өчен Телеграм-каналга язылыгыз