Җәмгыять 11 апрель 2005 18:26

Бүген Казанга Идел буе федераль округы буенча баш чик сакчысы ике көнлек визит белән килде

Скопировать ссылку

(Казан, 11 апрель, "Татар-информ", Наталья Рыбакова). Бүген Татарстанга Россиянең Федераль Куркынычсызлык хезмәтенең Идел буе федераль округы буенча Төбәк чик сагы идарәсе башлыгы генераль-майор Владимир Стрельцов килде. Аның визитының төп максаты - аны яңа вәкаләткә билгеләү белән бәйле рәвештә республика җитәкчелеге белән танышу. Владимир Стрельцов Казанда ике көн булачак, бу вакытта ул республиканың хәрби һәм хокук саклау учреждениеләрендә булачак. Иртәгә Стрельцов ТР Премьер-министры вазифаларын башкаручы Рөстәм Миңнеханов белән очрашачак.

Искә төшереп үтәбез, Владимир Стрельцовны билгеләү турындагы указга узган елның июлендә РФ Президенты Владимир Путин тарафыннан кул куелган, ә августта РФ Президентының Идел буе федераль округындагы тулы вәкаләтле вәкиле Сергей Кириенко аны яңа вазифага тәкъдим итте.

Сәхифәләр

Бүген Казанга Идел буе федераль округы буенча баш чик сакчысы ике көнлек визит белән килде