news_header_top_970_100
news_header_bot_970_100

Бүген Казанда туган телләр буенча республика олимпиадалары башлана

Бүген Казанда туган телләр буенча республика олимпиадалары башлана

(Казан, 22 декабрь, "Татар-информ", Наталья Рыбакова). Бүген Казанның "Крутушка" шифаханәсендә укучыларның чуваш, удмурт, мари һәм мордва телләре һәм әдәбияты буенча республика олимпиадалары башлана. Анда 9-11 сыйныфның 150 укучысы - район олимпиадаларында җиңүчеләр катнаша.

Туган телләр буенча республика олимпиадаларында Татарстан җиңүчеләре ел саен төбәкара олимпиадаларында бүләкле урыннар ала. Мисал өчен, узган ел удмурт теле һәм әдәбияты буенча төбәкара олимпиадада Кукмара районының урта мәктәбенең 11 сыйныф укучысы Людмила Фролова Удмуртия Республикасы һәм Россиянең башка төбәкләре укучылары арасында беренче урынны алды. Ул Удмурт дәүләт университетының удмурт филологиясе факультетының беренче курсына имтиханнарсыз кергән. 2003-2004 уку елларында мари теле һәм әдәбияты буенча төбәкара олимпиадаларда Татарстан данын яклаучы алты катнашучы да бүләкле урыннар яулаган.

Нәтиҗәләр 24 декабрьдә ясалачак.

news_right_column_1_240_400
news_right_column_2_240_400
news_bot_970_100