Спорт 4 февраль 2005 11:33

Бүген Казанда автомобильләрнең күп төр ярышлары буенча бөтенроссия кышкы чемпионаты ачыла

Скопировать ссылку

(Казан, 4 февраль, "Татар-информ", Диләрә Рәхимова). Бүген Казанда автомобильләрнең күп төр ярышлары буенча "Яшь автомобильче" бөтенроссия кышкы чемпионатын ачу тантанасы була. Россиянең төрле шәһәрләреннән килгән 50гә якын яшь автомобильче юлда йөрү кагыйдәләре буенча белемнәрен һәм тиз йөрү, автослаломда үз осталыкларын күрсәтәчәк. Ярышлар 6 февральгә кадәр дәвам итәчәк.

Ярышларда 14-17 яшьлек спортчылар катнаша. Чемпионатта җиңүчеләр 5 февральдә ТР Эчке эшләр министрлыгының Мәдәният үзәгендә ярышларны ябу тантанасында игълан ителәчәк. Яшьләрнең спорт ярышын оештыручылар - ТР Эчке эшләр министрлыгының ЮХИДИ, ТР Яшьләр эшләре һәм спорт министрлыгы, ТР Автомотоспорт федерациясе һ.б.

Сәхифәләр

Бүген Казанда автомобильләрнең күп төр ярышлары буенча бөтенроссия кышкы чемпионаты ачыла